इंग्लिस प्रिमियर लिगको उपाधि होडमा रहेको लिभरपुललाई धक्का लागेको छ।
३२ औं चरणको खेलमा लिभरपुलले हार बेहोर्दा उपाधि यात्रामा धक्का लागेको हो।
आइतबार घरेलु मैदानमा लिभरपुलले क्रिस्टल प्यालेससँग १-० गोलको हार बेहोर्यो। प्यालेसको जितमा इजेले खेलको १४ मिनेटमा गोल गरेका थिए।
लिभरपुलले लिगमा सन् २०२२ को अक्टोबर पछि पहिलो पटक घरेलु मैदानमा हार बेहोरेको हो।
जितपछि शीर्ष स्थानमा पुग्ने मौका गुमाएको तेस्रो स्थानको लिभरपुलको ३२ खेलबाट ७१ अंक छ।
शीर्ष स्थानको म्यानचेस्टर सिटीको ७३ अंक रहदा दोस्रो स्थानको आर्सनलको ३१ खेलबाट ७१ अंक नै छ।
