जर्मन क्लब बोरूसिया डर्टमन्ड युरोपियन च्याम्पियन्स लिगको सेमिफाइनल प्रवेश गरेको छ।
मंगलबार राति स्पेनिश क्लब एट्लेटिको म्याड्रिडलाई क्वाटर फाइनलको दोस्रो लेगमा ४-२ गोलले पराजित गर्दै डर्टमन्ड अन्तिम चारमा पुगेको हो।
यसअघि पहिलो लेगमा डर्टमन्ड २-१ गोलले पराजित भए पनि दोस्रो लेगमा हात पारेको जितले समग्रमा ५-४ गोलले अघि रहन सफल भयो।
मंगलबार राति डर्टमन्डले दुवै हाफमा दुई/दुई गोल गरेको थियो।
७१ मिनेटसम्म खेल दुई/दुई गोलको बराबरीमा रहे पनि डर्टमन्डका लागि फुलक्रुगले ७१ मिनेट र सबिजट्जरले ७४ मिनेटमा गोल गरे।
घरेलु मैदानमा तीन मिनेटको अन्तरमा दुई गोल गरेपछि डर्टमन्ड सेमिफाइनलतिर अग्रसर भएको थियो।
