दक्षिण अफ्रिकाका तीव्र गतिका बलर वायन पार्नेलले दोस्रो सिजनको नेपाल प्रिमियर लिग (एनपिएल) जनकपुर बोल्ट्सबाट खेल्ने भएका छन्।
३६ वर्षीय बलिङ अलराउन्डरलाई टोलीमा भित्र्याएको साविक विजेता जनकपुरले बुधबार घोषणा गरेको हो।
उनले दक्षिण अफ्रिकाका लागि ६ टेस्ट, ७३ एकदिवसीय र ५६ टी-२० खेल खेलेका छन्। उनले भारतको आइपिएलदेखि पाकिस्तान सुपर लिग र क्यारेबियन प्रिमियर जस्ता चर्चित टी-२० फ्रेञ्चाइज टी-२० लिग खेलेका छन्।
उनले सन् २०२३ मा रोयल च्यालेन्जर्स बेंगलुरुबाट आइपिएल खेलेका थिए।
देब्रे हाते आक्रामक बलर उनले सन् २००८ को यू-१९ विश्वकपमा दक्षिण अफ्रिकाको कप्तानी गरेका थिए।
यसअघि जनकपुरले श्रीलंकन मूलका अमेरिकी ब्याटर लाहिरु मिलान्थालाई भित्र्याएको थियो।
जनकपुरको प्रशिक्षकमा वेस्ट इन्डिज महान क्रिकेटर शिवनराइन चन्द्रपल छन्।
दोस्रो संस्करणको एनपिएल मंसिर १ देखि कीर्तिपुरस्थित त्रिवि मैदानमा सुरु हुनेछ।
-copy-1761394385.jpg)
-1746009348.jpg)
