नेपाल राष्ट्र बैंकले हुलाकी राजमार्ग तथा मध्य पहाडी लोकमार्ग आसपासमा खुल्ने होटल रेष्टुरेन्टका साथै सबै राजमार्ग तथा लोकमार्गका मुख्य बजार आसपासका उद्योग प्रवर्द्धन गर्न सस्तो ब्याजदरमा ऋण दिने नीति अघि सारेको छ।
राष्ट्र बैंकले आगामी वर्षको मौद्रिक नीति सार्वजनिक गर्दै यी क्षेत्रमा खाद्य प्रविधि तथा गुण नियन्त्रण विभागबाट खाद्य स्वच्छता स्तरीकरण लोगो (संकेत) लिएका होटल तथा रेष्टुरेन्ट र मुख्य बजार आसपासका उद्योग व्यवसायहरूलाई प्रवर्द्धन गर्न उक्त क्षेत्रका उद्योग व्यवसायीहरूलाई प्रवाह हुने कर्जामा यस्तो नीति लिएको हो।
यी क्षेत्रमा ३ करोडसम्म प्रवाह भएको कर्जालाई साना तथा मझौला उद्यममा प्रवाह भएको कर्जामा समावेश गरी तोकिएको क्षेत्रमा प्रवाह हुने कर्जामा गणना गर्ने व्यवस्था गरिएको छ।
यस्तो कर्जामा आधार दरमा बढीमा २ प्रतिशत विन्दुसम्म मात्र प्रिमियम थप गरी कर्जा दिने व्यवस्था गरिएको छ। सामान्यतय: बैंकहरूले आधारदरमा ४/५ प्रतिशत प्रिमियम जोडर ब्याज निर्धारण गर्ने गरेका हुन्छन्।
-1746009348.jpg)
