पृथ्वी राजमार्ग अन्तर्गत धादिङ धार्केको गणेश खोला पुल निर्माण अन्तिम चरणमा पुगेको छ।
गत वर्ष वैशाखमै गणेश खोलाको पुनारो पुल भासिएर आवागमन समेत अवरूद्ध बनेको थियो।
अहिले पृथ्वी राजमार्ग तीन खण्ड टुक्र्याएर धमाधम विस्तार भइरहेको छ। राजमार्ग विस्तारकै क्रमम गणेश खोलाको छेउपट्टि नयाँ पुल बनाउन सुरू गरिएको थियो।
त्यसको जग खन्ने क्रममा भित्तापट्टिको पुलको जगमा क्षति पुगेको थियो। पुल नै भास्सिएको थियो। त्यसलाई मर्मत गरेर सञ्चालनमा ल्याइएको थियो।
छेउपट्टि बनिरहेको नयाँ पुलेको पनि काम सकिन लागेको नागढुंगा–मुग्लिन सडक योजना (पूर्वी खण्ड) का सूचना अधिकारी माधव पौडेलले जानकारी दिए। उनका अनुसार अहिले पुलको संरचना तयार भइसकेको छ। दायाँबायाँ पर्खाल लगाएर माटो भर्न बाँकी छ।
उनले असारसम्म यो पुल तयार भइसक्ने बताए।
नागढुंगा–मुग्लिन सडक योजना (पूर्वी खण्ड) मा १५ वटा पुल बनिरहेका छन्। यसमध्ये चार वटा पुल बर्खासम्म नबन्ने र बाँकी बर्खाअगावै निर्माण सम्पन्न गर्ने लक्ष्य रहेको उनले बताए।
गणेश खोलामा यस्तो बनिरहेको छ पुल:
-1744701152.jpg)
-1744701152.jpg)
-1744701150.jpg)
-1744701150.jpg)
-1744701151.jpg)
-1744701151.jpg)
-1744701152.jpg)
