भ्रष्टाचार आरोप लागेका राष्ट्रिय सूचना प्रविधि केन्द्रका तत्कालीन कार्यकारी निर्देशक सुनिल पौडेललाई विशेष अदालतले धरौटीमा रिहा गर्न आदेश दिएको छ।
विशेष अदालतका अध्यक्ष टेकनारायण कुँवर, सदस्य मुरारीबाबु श्रेष्ठ, विदुर कोइरालको इजलासले आइतबार पौडेललाई एक लाख रूपैयाँ धरौटीमा धरौटीमा छोड्न आदेश दिएको हो।
सूचना प्रविधि केन्द्रमा हुँदा पौडेलमाथि करिब १६ करोड रूपैयाँ भ्रष्टाचार गरेको आरोप छ।
पौडेलसहित ७ जनाविरूद्ध गत असार २७ गते गैरकानुनी लाभ लिन नहुने कसुरमा अख्तियार दुरूपयोग अनुसन्धान आयोगले मुद्दा दर्ता गरेको थियो।
-1746009348.jpg)
