सांगीतिक ब्यान्ड 'मंगोलियन हार्ट' बेलायतमा गुञ्जिने भएको छ। ब्यान्डले बेलायतमा पहिलोपटक लाइभ प्रस्तुति दिन लागेको हो।
ब्यान्ड सदस्यहरू बुधबार (१० डिसेम्बर)मा लाइभ कन्सर्टका लागि नेपालबाट त्यसतर्फ प्रस्थान गर्दैछन्।
मुख्य कन्सर्ट १३ डिसेम्बरमा ह्यारो सेन्टर, लन्डनमा हुनेछ। जीटी बेस इन्टरटेन्मेन्टले यस कन्सर्टको आयोजना गरेको हो। कन्सर्टमा ब्यान्डका चर्चित गीतहरू लाइभ गुञ्जिनेछन्। ब्यान्डका पर्खाइमा, बादलपारिको देशबाट, गाजलु टीका, सुम्निमा, म माया लाउँदिन, तिमीलाई देखेर, सायद तिम्रो बाटोमा लगायत दर्जनौं गीत हिट छन्।
ब्यान्डका म्यानेजर तथा गिटारिष्ट बोबी लामाले कार्यक्रमको सबै तयारी पूरा भइसकेको बताए।
३३ वर्षअघि सन् १९९२ मा स्थापना भएको मंगोलियन हार्टले लोक, स्लो रक, पप मेलोडीलगायतका जनराका गीत गाएको छ।
ब्यान्डमा राजु लामासहित रिदम गितारमा बबी लामा, ड्रममा सन्तोष थापा मगर, लिड गितारमा भुपेन्द्र बज्राचार्य, बेसमा पवन कपाली, बाँसुरीमा विनय महर्जन र मादलमा बाबुराजा महर्जन रहेका छन्।
-1746009348.jpg)
