सिटिजन लाइफ इन्सुरेन्सले २० प्रतिशत लाभांश दिने प्रस्ताव गरेको हो।
कम्पनीको मंगलबार बिहान बसेको सञ्चालक समितिको बैठकले २० प्रतिशत नगद लाभांश दिने घोषणा गरेको हो।
कम्पनीको लाभांश प्रस्ताव बीमा प्राधिकरणबाट स्वीकृत हुन र साधारण सभाबाट पारित हुन बाँकी छ।
कम्पनीको चुक्ता पुँजी प्राधिकरणले तोकेको पाँच अर्ब रूपैयाँ पुगिसकेकोले लाभांशमा नगदलाई जोड दिएको देखिन्छ। यसअघि कम्पनीले २६.९८ प्रतिशत बोनस सहित २८.४० प्रतिशत लाभांश दिएको थियो।
अहिले कम्पनीको सेयर चार सय ९७ रूपैयाँमा कारोबार भइरहेको छ।
-1746009348.jpg)
